axin.az

SON DƏQİQƏ

Qadın xəbəri olmadan 20 ildir pensiyasının alındığını deyir - VİDEO

22-05-2020, 16:10

Qadın xəbəri olmadan 20 ildir pensiyasının alındığını deyir - VİDEO
Xaçmaz rayon sakini Məryəm Mütəllim qızı İmanquliyeva xüsusi karantin dövründə 190 manat birdəfəlik ödənişi almaq üçün e-sosial.gov.az portalından qeydiyyatdan keçib. Bir neçə gündən sonra ona imtina gəlib. Səbəb isə 20 il bundan əvvəl həyat yoldaşının vəfat etməsi və himayəsində 4 azyaşlı körpəsi olduğu üçün ona ailə başçısını itirdiyinə görə 233 manat müavinət təyin edilməsi göstərilib. Lakin Məryəm İmanquliuyeva heç vaxt müavinət almadığını bildirib.

M.İmanquliuyeva "Axin.az"a bildirib ki, 2000-ci ildə Sosial Müdafiə Mərkəzinin Xaçmaz Rayon İdarəsinə müraciət edib:

“O zaman həmin idarədə Bağır adlı işçi var idi. Məni o qəbul etmişdi və bütün sənədlərimi təqdim etdikdən sonra ailə başçısını itirdiyimə və himayəmdə dörd azyaşlı körpəm olduğuna görə müavinət ala biləcəyimi bildirdi. Bunun üçün isə yoldaşımın Sumqayıtdakı iş yerinə gedib əmək kitabçasını gətirməli olduğumu dedi. Mən onun dediyi bütün sənədləri hazırlayıb, bir neçə gündən sonra yenidən həmin idarəyə gedərək Bağır müəllimə verdim. Lakin müavinət ala bilmədim. Sənədlərimi təqdim etdiyim vaxtdan 1 il sonra mənə bildirildi ki, qanunda dəyişiklik olub və yeni qanunlara əsasən, mənə həmin müavinət verilməyəcək”.

M.İmanquliyeva qeyd edib ki, onun almalı olduğu müavinət 20 ildir Sosial Müdafiə Mərkəzinin Xaçmaz Rayon İdarəsinin əməkdaşları tərəfindən mənimsənilir. O, buna görə də baş verən hadisə barədə hüquq-mühafizə orqanlarının əməkdaşlarına məlumat verib.
https://youtu.be/24_juLr1ing


Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
ARXİV
«    May 2020    »
BeÇaÇCaCŞB
 123
45678910
11121314151617
18192021222324
25262728293031
DÜNYA