axin.az

SON DƏQİQƏ

İdman jurnalistləri üçün antidopinq təlimləri başlayır

4-05-2020, 19:55

İdman jurnalistləri üçün antidopinq təlimləri başlayırAzərbaycan İdman Jurnalistləri Federasiyası (AİJF) Azərbaycan Milli Antidopinq Agentliyi ilə birlikdə dopinqlə mübarizə sahəsinin ən aktual mövzularına dair təlimlərə başlayır.

AİJF-dən "Axin.az"a verilən məlumata görə, idman jurnalistləri üçün təlimlər iki mərhələdən ibarət olacaq. Əvvəlcə mayın 11-də açıq vebinar keçiriləcək. Saat 14:00-da başlanacaq vebinar bir saat davam edəcək.

Mövzular isə bunlardır:

- Antidopinq qayda pozuntularının aşkarlanması və araşdırmaların aparılması;

- Qadağan edilmiş maddələrin qanunsuz dövriyyəsi və hüquq-mühafizə orqanları ilə əməkdaşlıq;

- Respublika idman federasiyalarının öhdəlikləri;

- Antidopinq qayda pozuntuları mübahisələri üzrə qapalı dinləmə prosesi və Ümumdünya Antidopinq Agentliyi (WADA) tərəfindən qərarların yoxlanılması;

- WADA-nın Məcəlləsi, ölkələrə tələbləri və s.

Vebinara qoşulmaqla jurnalistlər antidopinq mövzusunda biliklərini artıra və onları maraqlandıran suallarla bağlı müzakirə apara bilərlər.

Qeydiyyatdan keçmiş jurnalistlər üçün təlimlər karantin rejimi bitdikdən sonra seminar formasında davam etdiriləcək. Seminarın yekununda isə jurnalistlərə sertifikatlar və xatirə hədiyyələri təqdim olunacaq.


Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
ARXİV
«    İyun 2020    »
BeÇaÇCaCŞB
1234567
891011121314
15161718192021
22232425262728
2930 
DÜNYA