Ceyhun Bayramov Qətərdə BMT-nin ən az inkişaf etmiş ölkələr üzrə Konfransının açılışına qatılıb - FOTO
Siyasət
5-03-2023, 20:06
Azərbaycanın xarici işlər naziri Ceyhun Bayramov Qətərdə ölkəmizin donor tərəfdaş qismində təmsil olunduğu ən az inkişaf etmiş ölkələr üzrə BMT-nin Beşinci Konfransının (LDC5) açılış mərasimində iştirak edir.
Bu barədə Xarici İşlər Nazirliyindən (XİN) bildirilib.
“Ölkəmizin donor tərəfdaş qismində təmsil olunduğu Ən az inkişaf etmiş ölkələr üzrə BMT-nin Beşinci Konfransı (LDC5) beynəlxalq yardıma ən çox ehtiyac duyulan yerlərdə davamlı inkişafı sürətləndirmək üçün bir fürsətdir”, - XİN-dən bildirilib.
Qeyd edək ki, Ceyhun Bayramov dünən Ən az inkişaf etmiş ölkələr üzrə BMT-nin Beşinci Konfransında (LDC5) iştirak etmək üçün Qətər Dövlətinə işgüzar səfərə yola düşüb.
Ceyhun Bayramov Qətərdə BMT-nin ən az inkişaf etmiş ölkələr üzrə Konfransının açılışına qatılıb