Azərbaycanda ötən il nağdsız hesablaşmalar 34% artıb

İqtisadiyyat
3 Mar 2021
19:10


2020-ci ildə Azərbaycanda ödəniş kartları ilə əməliyyatların ümumi dəyəri 2019-cu il ilə müqayisədə 26%, nağdsız hesablaşmaların ümumi dəyəri isə 34% artıb.

“Report” bu barədə Azərbaycan Mərkəzi Bankına (AMB) istinadən xəbər verir.

Məlumata görə, hesabat dövründə ölkədə elektron ticarət vasitəsilə aparılan əməliyyatların sayı 55%, dəyəri isə 22% artıb. Təmassız ödənişlərin sayı və dəyəri isə əvvəlki ilin göstəricilərini müvafiq olaraq 4,3 və 5,4 dəfə üstələyib.