"Tottenhem"in futbolçusu Harri Keyn Premyer Liqada yeni rekorda imza atıb.
Sport7.az xəbər verir ki, 27 yaşlı hücumçu buna ötən gün "Nyukasl"la matçda (2:2) nail olub. O, görüşdə dubl etməklə (4 dəqiqədə 2 qol) səfər oyunlarında vurduğu qolların sayını 84-ə çatdırıb. Bu isə Premyer Liqada çıxış edən futbolçular arasında ən yüksək göstərici hesab edilir.
Həmçinin Keyn adını çempionatda 5 fərqli səfər oyununda 5-dən artıq qol sayına çatan oyunçular arasına yazdırıb. Digər futbolçular isə Alan Şirer, Ueyn Runi və Maykl Ovendir.
Keyn bu mövsüm bütün turnirlərdə 41 matça çıxaraq, 29 qol vurub və 16 qolun ötürməsini verib.