“Real”ın qapıçısı Tibo Kurtua müasir futbolda ideal hesab etdiyi qapıçıların keyfiyyətlərindən danışıb.
Axin.az-ın “AS” nəşrinə istinadən yaydığı xəbərə görə, o deyib: “Topa yaxşı çıxışlarda özümü qeyd edə bilərəm. Belçikada bunun üzərində çox işləyirlər vu bu sahədə qapıçılar artırıblar. Zərbələri dəf etməkdə Yan Oblakı, çeviklikdə Sinan Bolatı (hər ikisi – “Atletiko” – red.) nümunə kimi göstərə bilərəm.
Ter Ştegen ayaqla əla oynayır. Təkbətək mübarizələrdə güclü olan isə mənəm. Amma Alisson da yaxşıdır. Psixologiyada da birinci yerə özümü qoyardım”.
Qeyd edək ki, Kurtua bu mövsüm “Real”da 32 oyun keçirib. O, bu görüşlərdən 13-də qol buraxmayıb.