Sabirabadda dəhşətli qəza: Üç nəfər öldü, xəsarət alan var
Sabirabad rayonunun Qaraağac kəndi ərazisində baş verən yol-nəqliyyat hadisəsi nəticəsində üç nəfər həyatını itirib.
Axın.az xəbər verir ki,bu məlumatı Baş Dövlət Yol Polisi İdarəsinin (BDYPİ) rəsmisi, polis polkovnik-leytenantı Mübariz Ağayev Oxu.Az-a açıqlamasında bildirib.
"Hadisə bu gün saat 08:00-da qeydə alınıb. Hadisə Sabirabad rayon sakinləri Samir Qurbanəli oğlu Umudovun idarə etdiyi "Daewoo" markalı, 90-MY-798 dövlət qeydiyyat nişanlı və Salatın Rəhman qızı Abuzərovanın idarə etdiyi "Toyota" markalı, 90-KU-752 dövlət qeydiyyat nişanlı avtomobillərin toqquşması nəticəsində baş verib.
Qəza nəticəsində qadın sürücü, eləcə də "Daewoo" markalı avtomobildə olan sərnişin 1971-ci il təvəllüdlü Hacıyev Manaf Poladxan oğlu hadisə yerində, sürücü - Samir Umudov isə xəstəxanada həyatlarını itirib.
"Daewoo" markalı avtomobildə olan azyaşlı isə Şirvan Şəhər Mərkəzi Xəstəxanasına yerləşdirilib. Faktla bağlı araşdırma aparılır", - deyə məlumatda bildirilir.
09:32
Sabirabadda baş verən yol-nəqliyyat hadisəsi zamanı üç nəfər ölüb.
"Report"un Aran bürosunun məlumatına görə, bu gün səhər saatlarında rayonun Qarağac kəndi ərazisində baş verən yol-nəqliyyat hadisəsi zamanı Sabirabad sakinləri - Samir Qurbanqulu oğlu Umudov, Manaf Poladxan oğlu Hacıyev və Şirvan şəhər sakini Salatı Rəhman qızı Abizərova ölüb.
Hadisə nəticəsində xəsarət alan iki nəfər isə Şirvan Şəhər Mərkəzi Xəstəxanasına yerləşdirilib.
Faktla bağlı araşdırma aparılır.
08:43
Sabirabad rayonunda ağır yol-nəqliyyat hadisəsi baş verib.
"Report"un Aran bürosunun məlumatına görə, hadisə bu gün səhər saatlarında rayonun Qarağac kəndi ərazisində qeydə alınıb.
İlkin məlumata görə, dəmir yolu keçidinin yaxınlığında iki avtomobil toqquşub.
Qəzada müxtəlif dərəcəli xəsarət alan beş nəfər Şirvan Şəhər Mərkəzi Xəstəxanasına çatdırılıb.
Hazırda yaralıların şəxsiyyəti dəqiqləşdirilir.
Faktla bağlı araşdırma aparılır.
Axın.az
