Ermənistan Müdafiə Nazirliyinin Tovuz istiqamətində gedən döyüşlərdə vurulduğunu iddia etdiyi pilotsuz uçuş aparatı Azərbaycan Silahlı Qüvvələrinə deyil, Əfqanıstana aiddir.
Axin.az xəbər verir ki, bu barədə İctimai Televiziya və Radio Yayımları Şirkəti məlumat yayıb.
Bildirilib ki, PUA 2014-cü ilin aprelində Əfqanıstan ərazisində vurulub. Lakin görüntü Ermənistan İctimai Televiziyasının rəsmi səhifəsində Azərbaycana məxsus kimi göstərilib.
Qeyd edək ki, Azərbaycan Müdafiə Nazirliyi PUA-ların vurulması ilə bağlı məlumatı təkzib edib və dezinformasiya xarakterli olduğunu bildirib.