Bu barədə Almaniyanın Welt am Sonntag nəşri yazır.

“Biz Ukraynanın özünümüdafiəsinə dəstəyi artırsaq da, NATO qoşunlarını Ukraynaya göndərməyi planlaşdırmırıq... NATO münaqişənin bir hissəsi olmayacaq”, - deyə o bildirib.

Stoltenberq aydınlaşdırıb ki, nəzəri cəhətdən Rusiya Silahlı Qüvvələrinin raketlərini Polşa və ya Rumıniya ərazisindən, məsələn, Patriot batareyalarının köməyi ilə vurmaq mümkün olacaq.

Bundan əvvəl Polşa Xarici İşlər Nazirliyinin rəhbəri Radoslav Sikorski Ukrayna qoşunlarının Rusiya ərazisini atəşə tuta biləcəyini müdafiə edib.

Stoltenberq alyans ölkələrini Ukrayna Silahlı Qüvvələrinin Rusiya ərazisindəki hədəflərə zərbələrinə qoyulan məhdudiyyətləri aradan qaldırmağa çağırıb.

Rusiya Xarici İşlər Nazirliyinin rəsmi nümayəndəsi Mariya Zaxarovanın qeyd etdiyi kimi, İsveçrədə keçirilən guya sülh konfransına dəvət olunanların Stoltenberqin Kiyevin Rusiya ərazisinə endirdiyi zərbələrə qoyulan məhdudiyyətləri aradan qaldırmaq çağırışı ilə tanış olması faydalıdır.

Axın.az