axin.az

SON DƏQİQƏ

TƏBİB sədrinin səlahiyyətlərini icra edən şəxs kollektivə təqdim edildi - YENİLƏNİB

13-09-2021, 18:47



“Tibbi Ərazi Bölmələrini İdarəetmə Birliyi” publik hüquqi şəxsin (TƏBİB) İdarə Heyətinin sədri vəzifəsini müvəqqəti icra edəcək Vüqar Qurbanov kollektivə təqdim olunub.

Bu barədə Axın.az-ın sorğusuna cavab olaraq İcbari Tibbi Sığorta üzrə Dövlət Agentliyindən məlumat verilib.

Bildirilib ki, kollektivə təqdim edilən V.Qurbanov artıq bu gündən etibarən vəzifəsinin icrasına başlayıb.

12:18

“Tibbi Ərazi Bölmələrini İdarəetmə Birliyi” publik hüquqi şəxsin (TƏBİB) İdarə Heyətinin sədri vəzifəsinin müvəqqəti icrası Vüqar Cavanşir oğlu Qurbanova həvalə edilib.

Bu barədə Axın.az-ın sorğusuna cavab olaraq İcbari Tibbi Sığorta üzrə Dövlət Agentliyindən məlumat verilib.

Bildirilib ki, bu barədə İcbari Tibbi Sığorta üzrə Dövlət Agentliyinin (Agentlik) İdarə Heyətinin sədri Zaur Əliyev müvafiq əmr imzalayıb.

Belə ki, V. Qurbanov hazırda Agentliyin Tibbi iddialar departamentinin rəhbəri vəzifələrini icra edir.

Qeyd edək ki, TƏBİB-in əsas vəzifəsi tibb müəssisələrinin fəaliyyətini icbari tibbi sığorta sisteminin tələblərinə uyğun formalaşdırmaq, tabeliyində olan tibb müəssisələrində əhalinin sağlamlığının qorunması üçün tibbi xidmətlərin təşkilini təmin etmək və tibbi xidmətlərin keyfiyyətinin yüksəldilməsi üçün tədbirlər görməkdir.

11:32

Ötən gün Tibbi Ərazi Bölmələrini İdarəetmə Birliyinin (TƏBİB) sədri Ramin Bayramlı tutduğu vəzifədən azad edilməsi üçün ərizə yazdığı barədə paylaşım edib. Onun bu paylaşımı sosial şəbəkə istifadəçiləri arasında müzakirələrə səbəb olub.

Axın.az xəbər verir ki, hazırda hər kəsi maraqlandıran məsələ ölkənin ən önəmli qurumlarından biri olan TƏBİB daxilində nə baş verməsidir.

Ramin Bayramlının öz istəyi ilə işdən azad edilməsi üçün yazdığı ərizə rəsmən təsdiq edilibmi?

Bu proseslər müvafiq qaydada yekunlaşana qədər hazırda TƏBİB-də Ramin Bayramlının vəzifəsinin icrası kimə həvalə olunub?

Axın.az-ın əldə etdiyi məlumata görə, gün ərzində bu və digər suallara rəsmi cavab veriləcək.

Könül Cəfərli


Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
ARXİV
«    Eylül 2021    »
PtSaÇaPrCuCtPz
 12345
6789101112
13141516171819
20212223242526
27282930 
DÜNYA