Məhkəmədə Mübariz Mənsimova söz verilib.
KONKRET.az xəbər verir ki, mübariz Mənsimov söz haqqından belə itifadə edib:
“Nə FETÖ, nə də itlərinə 1 qəpik verdim, vermərəm də. Əksinə, yalnız dövlətimizə kömək etmişəm. Mən bəraətimi istəyirəm”.
***
11:43
Azərbaycanlı iş adamı Mübariz Mənsimovun məhkəməsi başlayıb.
KONKRET.az xəbər verir ki, bu haqda məlumatı “Palmali” şirkətlər qrupunun mətbuat katibi Fidan Quliyeva öz Feysbuk hesabında yazıb.
Xatırladaq ki, martın 3-də İstanbul Cümhuriyyət Baş Prokurorluğu M. Mənsimovun məhkəmə nəzarəti altında sərbəst buraxılmasını istəyib:
“Məhkəmənin gəldiyi mərhələ göz önünə alınaraq, müttəhimin cinayətə görə nəzərdə tutulan/veriləcək cəzanın müddəti, şübhəli şəxsin həbsdə keçirdiyi vaxt, həbs-qətimkan tədbiri olduğu üçün bu mərhələdə məhkəmə nəzarətinin mümkünlüyü nəzərə alınaraq, müttəhim başqa cinayətə görə mühakimə olunmursa və ya həbs olunmursa, azadlığa çıxa bilər. Cəza ancaq yaşayış yerini və ölkəni tərk etməməklə azadlıqla əvəz oluna bilər”.
Bu gün hər kəs azərbaycanlı iş adamı və xeyriyyəçinin məhkəmə zalından azadlığa buraxılacağını gözləyir.