axin.az

SON DƏQİQƏ

"Toy mərasiminin təşkilatçıları bizi aldadıblar" - Video

28-08-2020, 12:00

"Toy mərasiminin təşkilatçıları bizi aldadıblar" - VideoXəbər verdiyimiz kimi, Daxili İşlər Nazirliyi Bakıda daha bir vəzifəli şəxsin toy məclisin görə bir neçə şəxsi cərimə edib. Toyun yiyəsi "Bakcell"in pərakəndə satış şöbəsində işləyən Vəfa Abdullayeva olub.

Axin.az xəbər verir ki, məsələ ilə bağlı "Xəzər TV"nin əməkdaşları məclisin keçirildiyi restorana yollanıblar. Onlar ölkədə toyların qadağan edildiyi bir vaxtda obyekt sahibinin buna icazə verməsinin səbəbini soruşublar.

Restoranın əməkdaşı Aqil Süleymanov isə bildirib ki, onlar Nazirlər Kabinetinin müvafiq qərarı ilə açıq havada fəaliyyət göstərirlər. Onun sözlərinə görə, mərasimin təşkilatçıları onları aldadıblar.

Aqil Süleymanovun sözlərinə görə, sosial şəbəkələrdə iddia edildiyi kimi böyük toy mərasimi keçirilməyib. Bunun üçün heç əlverişli şərait yoxdur.

Qeyd edək ki, belə faktlar aşkar edildikdə polis dərhal həmin obyekt sahibi və müştəriləri inzibati qaydada məsuliyyətə cəlb edir.

Xatırladaq ki, toy məclisini təşkil edən hüquqi şəxs İnzibati Xətalar Məcəlləsinin 211.1-ci maddəsilə 4000 manat, restoranın mühasibatçısı 400 manat cərimə olunub. 2 nəfər inzibatçı barəsində tərtib edilən protokollar rayon məhkəməsinə göndərilməklə barələrində məhkəmənin qərarı ilə 10 gün inzibati həbs tənbeh növü tətbiq olunub. Eləcə də restoran işçilərindən 6 nəfər müvafiq maddələrlə inzibati xəta haqqında protokollar tərtib olunaraq, hər biri 100 manat cərimə olunub.

Toy məclisinin sifarişçilərindən 2 nəfər qanunverciliyə uyğun olaraq 400 manat məbləğdə, iştirak edənlərdən isə 9 nəfər 200 manat məbləğində cərimə olunublar.

Şənlikdə iştirak edərək karantin qaydalarını pozan digər şəxslərin müəyyən olunması istiqamətində araşdırmalar davam etdirilir.

Mövzu ilə bağlı reportajı təqdim edirik:


Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
ARXİV
«    Sentyabr 2020    »
BeÇaÇCaCŞB
 123456
78910111213
14151617181920
21222324252627
282930 
DÜNYA