axin.az

SON DƏQİQƏ

İraq türkmanları muxtariyyət elan edə bilər

11-05-2020, 18:54

İraq türkmanları muxtariyyət elan edə bilərİraqda Mustafa Kazıminin yeni qurulmuş hökumətində türkman nazirin yer almaması türkman deputatların ciddi etirazına səbəb olub.

“Axin.az” “Yeniçağ” qəzetinə istinadən xəbər verir ki, bununla əlaqədar ölkənin türkman millət vəkilləri ortaq mətbuat konfransı keçiriblər.

“Bizi məzhəblərə bölmək istəyənlər yenə uğursuz oldular. Türkman millətini təmsil edən nazir olsa və ya olmasa, bu millət əsla çökməyəcək. Kazımi ilə türkmanlara nazirliyin verilməsi məsələsində anlaşmışdıq. Ancaq İŞİD-ə qarşı çiyin-çiyinə savaşdığımız siyasi qrup türkmanlara nazirliyin verilməsini rədd etdi. Türkman elində artıq heç kəs daxili işlərimizə qarışa bilməz. Muxtariyyətin qurulması hüququ konstitusiyada var. Öz bölgəmizdə muxtariyyət elan edə bilərik. Türkman milləti on minlərlə şəhid verdi. Bütün türkman millət vəkillərimiz ciddi bir şəkildə müqavimət göstərdi. Millətimiz təşvişə düşməsin. Mübarizəmiz davam edir”, - ortaq açıqlamada bildirilib.

Bundan başqa, İraq türkmanlarının lideri Ərşad Salehi də bununla bağlı yeni qurulmuş hökuməti tənqid edib: “Həmişəki kimi, İraq hökumətində türkmanlara nazirlik verilməyib”.

Qeyd edək ki, türkmanlar İraqın şimalında yaşayan türk etnosudur. Ad oxşarlığına baxmayaraq, türkmanlar Mərkəzi Asiya türklərinə, Türkmənistanda yaşayan türkmənlərə deyil, Azərbaycan, Anadolu türklərinə yaxın olub, Oğuz türklərinin qərb qolundandırlar. Hazırda İraqda türkman əhalisinin sayı 3 milyon civarındadır. Onlar ölkədə əhali sayına görə ərəb və kürdlərdən sonra üçüncü xalqdırlar.


Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
ARXİV
«    May 2020    »
BeÇaÇCaCŞB
 123
45678910
11121314151617
18192021222324
25262728293031
DÜNYA