axin.az

SON DƏQİQƏ

Çin hökuməti WSJ-yə "qırmızı işıq" yandırdı

19-02-2020, 16:54

Çin hökuməti WSJ-yə "qırmızı işıq" yandırdıÇin hökuməti tanınmış “Wall Street Journal”ının (WSJ) üç əməkdaşının akkreditasiyalarına xitam verib.

“Axin.az” CNBC-yə istinadən xəbər verir ki, gündəlik brifinq zamanı bu addımın səbəbləri barədə danışan Xarici İşlər Nazirliyinin sözçüsü Qenq Şuanq nəşrin Çini “Asiyanın həqiqi xəstə adamı” kimi qələmə verən məqaləyə görə üzr istəməyi rədd etdiyini açıqlayıb.

XİN rəsmisi sözügedən məqalədə Çinə irqçiliklə hücum edildiyini, həmçinin ölkənin yeni koronavirus epidemiyasına qarşı mübarizə səylərinə ləkə yaxıldığını, bunun üçün üzrxahlıq etməkdən, yaxud araşdırma aparmaqdan boyun qaçırıldığını, bütün bunlarla Çin xalqının hiddətinə rəvac verildiyini deyib.

Məhdudlaşdırıcı tədbir tətbiq edilən jurnalistlərin adları açıqlanmayıb.

Xatırladaq ki, ötən gün ABŞ hökuməti “Xinhua” xəbər agentliyi, “China Global Television Network”, “China Daily Distribution Corp” və daha iki ən nüfuzlu dövlət media qurumuna əcnəbi səfirliklər kimi əməkdaşlarını və bütün addımlarını Dövlət Departamentində qeydiyyata saldırmaq öhdəliyi qoyduqlarını açıqlayıb.

Çinin XİN sözçüsü bu yeni qaydalarla razılaşmadıqlarını, cavab addımlar atmaq hüququnu özlərində saxladıqlarını bildirib.


Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
ARXİV
«    Aprel 2020    »
BeÇaÇCaCŞB
 12345
6789101112
13141516171819
20212223242526
27282930 
DÜNYA