axin.az

SON DƏQİQƏ

Teymur Rəcəbov “Namizədlər turniri”ndə favoritlərin adlarını açıqladı

23-01-2020, 15:44

Teymur Rəcəbov “Namizədlər turniri”ndə favoritlərin adlarını açıqladı“Hər kəsin uğur qazanma şansı var. O cümlədən mənim”.

Bu sözləri azərbaycanlı qrossmeyster Teymur Rəcəbov “RİA Novosti”yə müsahibəsində mart-aprel aylarında Rusiyanın Yekaterinburq şəhərində keçiriləcək şahmat turnirində namizədlərin qalib gəlmək şansı barədə danışarkən bəyan edib.

Bununla belə, onun sözlərinə görə amerikalı Fabiano Karuana və Çin təmsilçisi Din Lijenin şansı daha yüksəkdir.

Müsabiqə 15 martdan 5 aprelə qədər iki turda keçiriləcək. 2020-ci ilin payızında dünya çempionu norveçli Maqnus Karlsenlə titul matçı oynamaq hüququ uğrunda mübarizədə Rəcəbovla bərabər Karuana, Din Lijen, həmçinin Aleksandr Qrişuk, Yan Nepomnyaşiy, Kirill Aleksenenko (Rusiya), Aniş Qiri (Hollandiya) və Van Hao (Çin) iştirak edəcək.

Qrossmeyster namizədlərin turnirində favoritlərin kim olduğunu söyləməyin çətin olduğunu bildirib:

“Reytinq üzrə baxsanız Fabiano Karuana və Din Lijenin adını çəkmək lazımdır. Obyektiv olaraq, digər iştirakçılara nisbətən onların daha çox qazanma şansları var, çünki son zamanlar onlar daha sabit nəticələri göstərirlər. Yekun nəticənin necə olacağını demək çətindir”.

Rəcəbov turnir iştirakçılarının tərkibinin dəyişkən olduğunu vurğulayıb:

“Yan Nepomnyaşiy reytinqdə yüksək qiymətləndirilir, amma klassik şahmatda həmişə sabit deyil. O, möhtəşəm turnir keçirə və uğursuz çıxış edə bilər. Ancaq ümumilikdə, Yan əvvəllər olduğundan daha sabit oynayır. Düşünürəm ki, o, həm şahmat, həm də psixologiyası üzərində çox işləyir. Aleksandr Qrişuk çox güclü şahmatçıdır və yaxşı vəziyyətdə olduqda ən yüksək səviyyəli oyun nümayiş etdirir”.

Qeyd edək ki, Teymur Rəcəbov 2019-cu ildə Dünya Kubokunun qalibi olmaqla “Namizədlər turniri”ndə yarışmaq hüququ qazanıb.


Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
ARXİV
«    May 2020    »
BeÇaÇCaCŞB
 123
45678910
11121314151617
18192021222324
25262728293031
DÜNYA