axin.az

SON DƏQİQƏ

Koronavirusun daha 6 əlaməti aşkarlandı

27-04-2020, 10:21

Koronavirusun daha 6 əlaməti aşkarlandı
ABŞ-ın Xəstəliklərə Nəzarət və Profilaktikası üzrə Mərkəzi İdarəsinin saytında yerləşdirilmiş məlumatlara koronavirusun daha bir neçə əlaməti əlavə edilib.

Bu barədə “Axin.az” RİA “Novoti”yə istinadən xəbər verir.

Qeyd edilir ki, koronavirusun daha 6 əlaməti mövcuddur. İndi simptomların siyahısına hərarət, qızdırma ilə müşahidə edilən titrəmə, əzələ ağrısı, boğaz ağrısı və dad və ya iybilmə hissinin itməsi əlavə edilib.

Koronavirusa yoluxmuş xəstələr bu simptomlar haqqında tez-tez danışırlar.

Daha əvvəl ABŞ-ın sanitar tənzimçisi koronavirusun yalnız üç ümumi simptomunu təsvir edib. Bunlar yüksək temperatur, öskürək və nəfəsalmada çətinlikdir.

ABŞ-da artıq koronavirusa 950 mindən çox yoluxma halı təsdiq edilib, 54 mindən çox insan ölüb. Birləşmiş Ştatlar dünyada COVID-19-a yoluxanların və ölənlərin sayı üzrə liderdir.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.

Ümumdünya Səhiyyə Təşkilatının (ÜST) məlumatına görə, dünyada koronavirusa yoluxanların sayı 2 804 796-ya çatıb, ölüm hallarının sayı 193 722 təşkil edir.

ÜST fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.


Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
ARXİV
«    İyun 2020    »
BeÇaÇCaCŞB
1234567
891011121314
15161718192021
22232425262728
2930 
DÜNYA