axin.az

SON DƏQİQƏ

“6 aydır maaş əlavələrini almırıq” - ETİRAZ

9-09-2020, 18:00

“6 aydır maaş əlavələrini almırıq” - ETİRAZHəkimlər maaşlarına olan əlavələrini ala bilmədiklərindən şikayətçidir.

Cebhe.info xəbər verir ki, bu dəfə şikayətlə həkim-dosent Akif Cahangiroğlu Axundov özünün “Facebook” səhifəsində çıxış edib. O, şimal bölgəsinin həkimlərinin yalnız yanvar və fevral ayında maaş əlavələrini aldığını bildirib. 9 aydır İcbari Tibbi Sığorta üzrə Dövlət Agentliyi ilə çalışdığını deyən həkim 6 aydır ki, maaş əlavələrini ala bilmədiklərindən gileylənib.

“6 aydır maaş əlavələrini almırıq”

Qeyd edək ki, İcbari Tibbi Sığorta üzrə Dövlət Agentliyi tərəfindən yeni növ koronavirus (COVID-19) infeksiyası ilə mübarizə tədbirlərində iştirak edən ümumilikdə 11 707 nəfərə - 9015 tibb işçisinə, 2692 qeyri-tibb işçisinə aprel ayı üzrə iş vaxtına mütənasib olaraq müddətli əlavə ödənilib. Bakı şəhəri üzrə 140, respublikanın digər şəhər və rayonları üzrə 115 dövlət tibb müəssisəsinin tibb və qeyri-tibb işçilərinə aprel ayı üzrə iş vaxtına/saatına mütənasib olaraq 13.1 milyon manat müddətli əlavə ödənilib.

Xatırladaq ki, "Yeni növ koronavirus (COVID-19) infeksiyası ilə mübarizə tədbirlərində iştirak edən tibb işçilərinin əməkhaqlarına müddətli əlavənin müəyyən edilməsi barədə” Nazirlər Kabinetinin Qərarında dəyişiklik edilib. Belə ki, Baş nazir Əli Əsədovun imzaladığı qərara əsasən, yeni növ koronavirus (COVID-19) infeksiyası ilə əlaqəli əmək şəraitinə görə dövlət tibb müəssisələrində çalışan işçilərin əməkhaqlarına müddətli əlavə iş vaxtına mütənasib olaraq 2020-ci il oktyabrın 1-dək olan müddət üçün ödəniləcək.

Onu da bildirək ki, Cebhe.info tibb işçilərinin maaş əlavələrini ala bilmədikləri barədə şikayətlərə dair İcbari Tibbi Sığorta üzrə Dövlət Agentliyinə sorğu ilə müraciət edib.

Saytımızın sorğusuna hələ də cavab verilməyib.


Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
ARXİV
«    Sentyabr 2020    »
BeÇaÇCaCŞB
 123456
78910111213
14151617181920
21222324252627
282930 
DÜNYA