Bu gün Qazaxıstanın Karaqanda şəhəri yaxınlığında havaya qalxan “MiQ 31” tipli hərbi təyyarə qəzaya uğrayıb.
“axin.az” “Khabar”a istinadən xəbər verir ki, bu barədə ölkənin Müdafiə Nazirliyi açıqlama yayıb.
Bildirilib ki, təyyarə havaya qalxandan az sonra mühərriklərdən biri alışıb və pilotlar paraşütlə tullanıblar, sonra isə təyyarə yerə çırpılıb. Hadisə nəticəsində xəsarət alan olmayıb.
Hadisənin səbəbləri araşdırılır.