Yaponiyanın “Fast Retailing Co” şirkəti ABŞ-dakı 50 “Uniqlo” hazır geyim dükanının hamısını COVİD-19 virusunun yayılması ilə bağlı bu gündən bağladıqlarını bildirib.
“Axin.az” şirkətin rəsmi açıqlamasına istinadən xəbər verir ki, bu tədbir qeyri-müəyyən müddətə həyata keçirilir.
Daha əvvəl eyni səbəb üzündən şirkət Avropa İttifaqı ölkələrində də malik olduğu 27 “Uniqlo” dükanını bağlamışdı.
Xatırladaq ki, ötən il dekabrın 31-də Çinin orta bölgəsindəki Vuhan şəhərində ilk yoluxma hadisəsi qeydə alındığı COVİD-19 virusu indiyədək 160-dan çox ölkə və bölgəyə yayılıb və bu il martın 11-də Dünya Səhiyyə Təşkilatı tərəfindən pandemiya olaraq tanınıb. Son məlumata görə, dünyada yeni koronavirusa yoluxanlar 183.116 nəfər, ölənlər 7 175 nəfər, sağalanlar isə 79 904 nəfərdir.