Aparıcı Aytən Səfərovanın deputatlığa namizədliyini irəli sürdükdən və seçilmədikdən sonra efirdə görünməməsi diqqət çəkib.
Bununla bağlı Axin.az-ın suallarını cavablandıran aparıcı ATV-də efirdən uzaqlaşsa da, radioda işini davam etdirdiyini söyləyib:
"Hazırda işimin başındayam. Amma fəaliyyətimi 106.3 FM və 106 FM-də davam etdirirəm. Hər gün radioda xəbərlər oxuyuram".
"Bəs efirə çıxmırsınız" sualına isə Səfərova belə cavab verib:
"Bu mənim öz seçimim oldu. Yeni mövsümdən başqa layihə ilə tamaşaçıların qarşısına çıxacam. Uzaqlaşmağımın səbəbi isə bir az formaya düşmək istəyirəm. Digər tərəfdən iş yerimi dəyişməyimi istisna etmirəm. Çünki mənə başqa təkliflər gəlir".
Qeyd edək ki, Səfərova (Piriyeva) növbədənkənar parlament seçkilərinə 87 saylı Ağsu-İsmayıllı Seçki Dairəsindən namizədliyini irəli sürmüşdü.